Toshkent Moliya instituti 14 kunga, Samarqand davlat chet tillar instituti o‘quv yili oxirigacha masofaviy ta’limga o‘tkazildi

Koronavirus infeksiyasi tarqalishining oldini olish maqsadida Toshkent moliya instituti 14 kunga, Samarqand davlat chet tillar instituti o‘quv yili oxirigacha masofaviy ta’limga o‘tkaziladi.

Toshkent moliya institutida o‘quv jarayoni 6-maydan 20-maygacha bosqichma-bosqich masofaviy shaklda tashkil etiladi. Institut matbuot xizmatining ma’lum qilishicha, ikki hafta muddatli masofaviy ta’lim talabalar uchun belgilanmoqda. Barcha xodimlar, professor-o‘qituvchilar karantin qoidalariga rioya etgan holda o‘z vazifalarini bajaradi.

Ushbu OTMda darslar 26-martdan 8-aprelgacha ham (14 kun) masofaviy shaklda olib borilgandi.

Samarqand davlat chet tillar instituti esa o‘quv yili so‘ngiga qadar masofaviy ta’lim tizimiga o‘tdi. Institut matbuot xizmatining qayd etishicha, institutda 1, 2, 3-bosqich bakalavrlar (kechki ham, kunduzgi ham) va 1-bosqich magistrantlar uchun o‘quv jarayonlari onlayn shaklda davom ettiriladi hamda ular uchun 2020/2021-o‘quv yili onlayn shaklda yakunlanadi. 4-bosqich bakalavrlar va 2-bosqich magistrantlar bundan mustasno.

Shuningdek, 4-bosqich bakalavrlar bitiruv malakaviy ishi himoyasi uchun va Yakuniy davlat attestatsiyasiga, jumladan, 2-bosqich magistrantlari esa magistrlik dissertatsiyasi himoyalariga sanitariya-gigiyena qoidalariga to‘liq amal qilgan holda tayyorgarlik ko‘radi va o‘tkazadi.

Epidemiologik vaziyat barqarorlashib, holat ijobiy tomonga o‘zgarsa, o‘quv jarayonlari an’anaviy shaklda davom ettirilishi bildirilgan.

Avvalroq ushbu OTMda darslar 22-apreldan 14 kunlik onlayn shaklga o‘tkazilgandi.


Категория: MAXALLIY YANGILIKLAR
Просмотров: 358 | Рейтинг: 0.0/0

Похожие материалы

ПРОФИЛЬ
Время: 00:01
Добро Пожаловать, Гости
 
Логин:
Пароль:
Copyright © MP3LAR.COM 2016-2024 | Все права защищены | Реклама | Мы не несём ответственности за содержание. | Бесплатные произведения предназначены исключительно для предварительного ознакомительного прослушивания. Использование материалов сайта возможно только с письменного разрешения Администрации. | Сделать бесплатный сайт с uCoz