Темирйўлда ухлаб қолган киши устидан поезд ўтиб кетди

Қозоғистоннинг Повлодор шаҳрида темирйўлда ухлаб қолган киши устидан поезд ўтиб кетди. Бу ҳақда Vesti.ru нашри хабар бермоқда. Маст ҳолатида бўлган киши рельслар орасида ухлаб қолган, поезд эса фақат унинг бош киймини (кепка) учириб юборган.

Навбатчига юк поезди одам устидан ўтиб кетгани ҳақида хабар келган. Воқеа жойида эса у кишининг рельслар орасида ухлаб қолгани ва унга зарар етмагани маълум бўлган. Суриштирув натижасида унинг 34 ёшли бошпанасиз шахслиги ва воқеа пайтида маст ҳолатда бўлгани маълум бўлди.

Хабар қилишинича, поезд машинисти ўзга предметга кўзи тушган заҳоти тормозни фавқулодда ишга туширган. Поезд тўхтагач эса у тўртинчи вагон остида ухлаб ётган кишини кўрган. Киши ҳатто қандай қилиб поезд тагига тушиб қолганини ҳам тушунмаган. Воқеа оқибатида эса бахтли тасодиф туфайли фақатгина унинг бош киймига зарар етган.