Rossiyada homilador ayolni zo‘rlashda ayblanayotgan o‘zbekistonlik hibsga olindi

“Tergov idoralari tomonidan 1992-yilda tug‘ilgan O‘zbekiston fuqarosi Sherzod Safarovga Rossiya Jinoyat kodeksining 131, 161-moddalarida ko‘zda tutilgan jinoyatlar (zo‘rlash, talonchilik) alomati bilan ayblov e’lon qilindi. U hibsga olindi”, deyiladi Rossiya Tergov qo‘mitasi xabarida.

Jinoiy ish materiallariga ko‘ra, mazkur shaxs joriy yil 12-may kuni tunda Sankt-Peterburgdagi uylarning biri yaqinida 1988-yilda tug‘ilgan homilador ayolga tashlanib, zo‘rlagan va mobil telefonini tortib olgan.