Real havob o'yindaxam Romani mag'lubiyatga uchratib keyngi bosqichga yo'l oldi

Европа Чемпионлар лигасининг 1/8 финалидан ўрин олган “Реал” ҳамда “Рома” клублари ўртасидаги жавоб учрашуви ўз ниҳоясига етди.

Унда 2:0 ҳисоби қайд этилиб, мадридликларнинг ғалабаси билан якунланди.

Дастлабки бўлимда, ҳар икки жамоада ҳам вазиятлар бўлганига қарамай, танаффусга қадар ҳисоб очилмади.

Иккинчи бўлимнинг 64-дақиқасига келиб эса Криштиану Роналду ниҳоят ҳисобни очишга муваффақ бўлди – 1:0.

Орадан 4 дақиқа ўтар-ўтмас Хамес Родригес Шченсни дарвозасига иккинчи голни ҳам киритди. Финал ҳуштгагига қадар мазкур натижа сақланиб қолди.

Шу тариқа, “Реал“ жавоб учрашувида ҳам иккита тўп фарқи билан ғалаба қозониб, қийинчиликсиз кейинги босқичга йўл олди.

Европа Чемпионлар лигаси, 1/8 финал

Реал Мадрид Испания – Рома Италия 2:0 (0:0, 2:0)
Голлар: 1:0 – 64 Роналду, 2:0 – 68 Хамес.
Реал Мадрид – Навас, Данило, Пепе, Рамос, Марсело, Кроос, Модрич (Хесе, 76), Каземиро (Ковачич, 84), Хамес, Роналду, Бэйл (Васкес, 61).
Рома – Шченсни, Флоренци, Манолас, Зуканович, Динь, Пьянич (Венкер, 46), Кейта (Майкон, 86), Салаҳ, Перотти, Эль-Шаарави (Тотти, 74), Жеко.
Огоҳлантиришлар: Данило (37), Зуканович (76).
Дастлабки учрашув – 2:0.