Озода Нурсаидова Дилфуза Исмоилованинг айбловига жавоб қайтарди

19 январь куни сайтимизда “Дилфуза Исмоилова суратлари тарқалишида Озода Нурсаидовани айблади” номли мақола чоп этилган эди. Мақолада хонанда Дилфуза Исмоилованинг бир ресторанда рақсга тушаётган суратлари тарқалганига эътибор қаратилиб, масала юзасидан Исмоилованинг жавоби чоп этилди. Хонанданинг интервьюси сайтга жойлаштирилгандан сўнг анча шов-шувларга сабаб бўлди. Бир қанча интернет-нашрлар бу интервьюни қайта чоп этди. Суҳбатда хонанда 14 йил аввал ҳамкасби Озода Нурсаидованинг онаси таваллуди муносабати билан ўтказилган тадбирда иштирок этгани ва бу суратлар ўша тадбирнинг видеосидан “стоп кадр” қилиб олинганини айтиб, бунда Озода Нурсаидовани айблаган эди. Биз масалага атрофлича ёндашиш, Озода Нурсаидованинг бу борадаги фикрини ўрганиш мақсадида хонандага қўнғироқ қилдик. Хонанда “Qalampir.uz” мухбири билан суҳбатда қуйидагича жавоб берди. Озода Нурсаидова, хонанда: — 14 йил аввал мен ҳеч қандай йиғин қилмаганман. Бу ҳақда гапираётган одам йилини аниқ билиб гапириши керак. Бу хабарни эшитгач, аввалига Дилфуза Исмоиловани қачон бирор йиғинга таклиф қилганимни эслай олмадим. Онамнинг туғилган кунлари бундан 8 йил аввал, яъни 2008 йилда Тошкентдаги “Марракеш” ресторанида нишонланган эди. У ерда мен қатнашмаганман. Ўша даврада олинган видео тасвирлар ҳам, фотосуратлар ҳам менда сақланиб қолмаган. Мени бировнинг суратини тарқатишдан бошқа ишим йўқми? Кейин хонанда Дилфуза Исмоилованинг суратларини атайлаб тарқатиш шарт эмас, у ҳамма тўйларда шундай рақсга тушади. Дилфуза Исмоилова менинг номимдан пиар сифатида фойдаланибди. Менимча, бу атайин уюштирилган реклама. Мен ҳам номимдан фойдаланиб, ўзини реклама қилаётганларга қонуний чора кўраман. Эслатиб ўтамиз, ўтган йилнинг кузида telegram, whatsapp каби мессенжерларда хонанда Дилфуза Исмоилованинг ўз ўғли тўйидаги рақслари ва қудалари қаршисидаги “табриги” тасвирланган видеолар ҳам тарқалган эди.
Категория: SHOU-BIZNES habarlari \| Теги: Дилфуза Исмоилова, Озода Нурсаидова
Просмотров: 2364 \| Рейтинг: 0.0/0

Похожие материалы

запомнить
Забыл пароль \| Регистрация

Логин:
Пароль: