Oqpadar o'g'il o'z otasini bolg'a bilan urdi

Ota o'tirgan uyning tomiga chiqishdan qaytariladi xalqimizda. Otaga tik qarash, uning so'zini qaytarish ham milliy tarbiyamizga zid. Ammo yurtimizda sodir bo'layotgan ayrim noxush holatlarni ko'rib, kishining dili xufton bo'ladi.

Toshkent viloyatining Chinoz tumanida 1996 yilda tug'ilgan M.Namoyev o'z uyida otasi bilan jandallashib qolib, uning boshiga bolg'a bilan urib jarohat yetkazdi. Ushbu hodisa kecha, 23 aprel soat 19.00larda Bog'bon mahallasi Bog'bon ko'chasi 2-uyda sodir etilgani aytilmoqda. Jarohatlangan ota kasalxonaga yotqizilgan. Oqpadar o'g'il qo'lga olingan.