Хитойда КҲДР раҳбарининг қиёфадоши топилди

Хитой журналистлари Шэньян шаҳрида Шимолий Корея раҳбари Ким Чен Иннинг қиёфадошини топишди. У савдо расталаридан бирида кабоб сотади. Манчу Туан ҳаридорларнинг сўзларигача ҳеч қачон КҲДР раҳбарига ўхшашлигини билмаган. Энди унинг ишлари аъло даражада бормоқда, дея хабар беради Huffington Post. Ҳозирда унинг олдидан ҳаридорлар кетмаяти. Келган ҳаридорларнинг кўпчилиги у тўғрисида газетада ўқишган ва Туан билан суратга тушиш ниятида келишмоқда. Сотувчи аввалига нима бўлаётганини тушунгани йўқ. Кейинчалик у ўз қиёфасидан бизнесида фойдаланишни бошлади. Туан у билан суратга тушишни сўраганларга: "Албатта, сиз кабоб сотиб олсангиз”,-дея жавоб қайтармоқда. Кўпчилик ҳаридорлар иккиталаб кабоб ҳарид қилишмоқда. Хитойлик КҲДР раҳбарига янада ўхшаши учун ўз имиджи устида иш олиб борди. У соч турмагини ўзгартирди ва Ким Чен Инникидек қора костюм сотиб олди. Шундан сўнг унинг ёнида одамлар жуда ҳам кўпайиб кетди ва Туан камералар билан овора бўлиб, таом тайёрлашга улгурмай қолди. Ҳозирда у ўзига ёрдамчи олган. Бу воқеадан сўнг унинг савдоси бир неча баробарга ошган.