HTC Desire 501 smartfoni Toshkentda 800 ming so‘mga sotila boshladi

HTC smartfonlarining arzon narxdagi so‘nggi modellaridan biri Desire 501 endi O‘zbekistonda ham sotilishni boshladi.

Ushbu model 2013-yilning noyabr oyi oxirida e’lon qilingan. Uning o‘ziga xos jihati orqa korpusining original bezagidadir.

HTC Desire 501 4,3 dyuymli TFT displey, NovaThor U8520 ikki yadroli protsessori, 1 Gb tezkor, 8 Gb ichki xotira, 8 megapikselli asosiy kameraga ega.

Smartfon Android v4.1.2 (Jelly Bean) operatsion tizimida ishlaydi. HTC Desire 501 Toshkentning  "Fleshka” savdo majmuasida 800 ming so‘mga sotilmoqda.