Eronlik milliarder Babak Zanjoniy o‘lim jazosiga hukm qilindi

Sud ularni korrupsiyada aybdor deb topdi, shuningdek, Eron davlat milliy neft kompaniyasidan o‘zlashtirilgan mablag‘larni qaytarish majburiyatini yukladi.

Zanjoniy 2013-yil dekabrida 12 nafar eronlik deputat mamlakat hukumatiga biznesmenning moliyaviy faoliyatini tekshirishni so‘rab maktub yo‘llaganidan so‘ng qamoqqa olingandi. U kompaniyalari orqali sotilgan neftdan tushgan 1,9 milliard dollarni yashirishda ayblangan.

Oldinroq Zanjoniy Tehronga nisbatan joriy etilgan neft embargosini chetlab o‘tishda Eron hukumatiga yordam berishda ayblanib, AQSh va YeI tomonidan “qora ro‘yxat”ga kiritilgandi.

Biznesmen va uning sheriklari chiqarilgan hukm ustidan shikoyat qilish huquqiga ega ekanligi bildirilmoqda. Zanjonining o‘zi mol-mulkini 13,5 milliard dollarga baholagan.