BMT KXDRni minglab fuqarolarni ishlash uchun xorijga majburiy ravishda jo‘natishda aybladi

Uning so‘zlariga ko‘ra, KXDRning 50 mingdan ortiq fuqarosi xorijda tutqunlikda mehnat qiladi. Darusmonning qayd etishicha, Pxenyan o‘ziga nisbatan joriy etilgan sanksiyalarni aylanib o‘tib, valyuta ishlash maqsadida o‘z ishchilarini xorijga yo‘llaydi.BMT ma’lumotlariga ko‘ra, shimoliy koreyaliklarni, asosan, Xitoy va Rossiyaga, shuningdek, Afrika, Yaqin Sharq va Yevropaga, xususan, Polshaga jo‘natishmoqda.Darusmonning ta’kidlashicha, chet eldagi Shimoliy Koreya fuqarolari kuniga 20 soatdan mehnat qilishga majbur, ayni vaqtda oyiga faqat ikki marta dam olish kuniga ega, ularning aksariyati to‘yib ovqat ham yemaydi. KXDR ishchilari asosan qurilish, o‘rmon xo‘jaligi, tog‘-kon va yengil sanoatlarida ishlaydi.BMTning qayd etishicha, rasmiy Pxenyan ishchilarning maoshlarini qo‘lga kiritish orqali har yili 2,1 milliard yevo pul ishlab topadi.Darusmonning ogohlantirishicha, Shimoliy Koreya fuqarolarini nomaqbul sharoitlarda ishlash uchun yollayotgan korxonalar “nomaqbul majburiy mehnat tizimining qatnashchilari”ga aylanib qoladi. Qayd etish joiz, KXDR hukumati mamlakatda inson huquqlarini buzib kelayotgani sabab BMT tomonidan bir necha bor tanqid ostiga olingan.